Cultural
Ganadores
La Sociedá La Montera complazse n'acoyer el II Certame Internacional de relatos curtios
Mánfer de la Llera
En castellán
N'asturianu
Xuvenil en castellán
Xuvenil n'asturianu
Estimamos
La Sociedá La Montera quier agradecer fondamente l'ayuda del comité de llectura previa que peñeró los cientos de cuentos recibíos col fin de facilitar el llabor del xuráu. Ficieron parte del comité escritores, técniques culturales, docentes y grandes llectores. Elles son:
Concepción González Genicio, Verónica González Fernández, Ana Cuesta Castaño, Inés López Fernández, Secundino Díaz Menéndez, María Ángeles Luna Castañón, Elvira Lombardía Riera, Miguel Ángel Fernández, José Ignacio Matías González y María Montes Muñiz.
Primer premiu en
N'asturianu
"PELLEYA DE CULIEBRA"
Jose Luis Rendueles Antón (Vega, 1972) foi l’únicu escritor que ganó les dos
estayes del Asturias Joven, la de poesía (Momentos acotados, 1995) y la de narrativa
(Historias de comarca, 1997) amás de ser editor del fanzine Parsifal y la editorial
Universos, cuentista y poeta nomáu en castellán y n’asturianu. La so publicación
cabera ye la novela La llibertá los caminos (Trabe, 2022), centrada na figura la madre
del sindicalista Jesús Ibáñez.
Jose Luis Rendueles ye’l ganador de la estaya d’adultos n’asturianu col cuentu
Pelleya de culiebra, un relatu tétricu con un mui bon ritmu narrativu y un usu
destacable del llinguaxe, pesie al gran nivel d’otros cuentos como Samaritanos y el so
gamberrismu, la elegancia d’Epicentru y el realismu naif de L’amor llocu.
Más que narrar, Rendueles pinta los pensamientos del protagonista de la historia
como nun caleidoscopiu pa que’l llector mueva los prismes de la historia y atope un
sentíu al cuentu. Con un estilu aneñáu de contar, el narrador repasa la so vida d’una
manera esquizoide, ensin siguir una llinia temporal cronolóxica nin llegar a concretar
nunca los detalles exactos de los momentos definitorios de so vida que lu lleven al so
estáu anguaño. Xuntos, la esquizofrenia, la indefinición y l’infantilismu narrativu
producen una sensación inquietante digna del meyor terror sicolóxicu.
Primer premiu en
Castellán
"LA ÚLTIMA CITA DEL
SEÑOR POTINO"
Antonio Tocornal nació en San Fernando, Cádiz. Cursó estudios de Belles Artes en Sevilla y, tres siete años en París, asentó definitivamente en Mallorca. Los sos cuentos curtios fueron premiaos en más de cuarenta certámenes, ente ellos dalgunos de los más prestixosos en castellán como'l Gabriel Aresti, l’Ignacio Aldecoa, el Gerald Brenan o'l José Calderón Esguilada. Anguaño compaxina'l so trabayu d'escritor con formación personalizada d'escritura creativo y trabayos d'asesoramientu, corrección d'estilu y informes de llectura pa narradores. Pon un cursu de narrativa avanzada na escuela Fuentetaja en Palma de Mallorca. Antonio Tocornal ye’l ganador de la estaya d’adultos en castellán col cuentu La última cita del señor Potino, onde garra un tema corriente y fai d’ello un relatu elegante, contáu d’una manera cenciella dende un puntu de vista diferente. Mención especial merez el cuentu La embrujadita pol so ritmu, estilu narrativu y orixinalidá.
La última cita del señor Potino ye un relatu maxistralmente patéticu de la última cita
del protagonista, un home vilbu de llarga duración con una virtú cristiana férrea y dos
úniques aficiones: la cultura filatélica y la perfección del so bigote cincuentón. La
combinación de dos circunstancies inesperaes va destruyir el mundu perfectu del
señor Potino y oblígalu a repensar, irremediablemente tarde, les sos prioridaes vitales.
Primer premiu xuvenil
N'asturianu
" LLUCES D’ESPERANZA"
La xixonesa de 15 años Azahara Pérez Linero ye la ganadora de la estaya de
menores n’asturianu col cuentu Lluces d’esperanza, un relatu con un bon ritmu
narrativu sobre un tema social que ta mui presente nel barriu xixonés d’El Llano dende
onde escribe l’autora. El relatu brilla con fuerza nes descripciones de llugares y
sentimientos.
Primer premiu xuvenil en
Castellán
" CON LA LUNA LLENA"
Daniela de la Cruz González, de Sotrondio (Samartín del Rei Aurelio), ye la ganadora
de la estaya de menores en castellán col cuentu Con la luna llena, un relatu de gran
calidá narrativa, estilu fluyíu y mui orixinal. Nesta entrega, l’autora viaxa a la Edá
Media con una historia que casi paez querer xugar col xéneru de la fantasía cuando la
desgracia de los protagonistes lleva a la realización de los sos suaños.
Agradecimientu especial a los y les integrantes del xuráu y al presentador del actu.
Lluis Aique Iglesias Fernández
Lluis Aique Iglesias (Sotrondio, 1967) ye profesor, escritor y traductor. Presentador y entamador del actu, ye tamién secretariu y vocal de cultura de la
Eloy Antuña Zamarro
(Llangréu, 1967) ye llicenciáu en Filoloxía Inglesa y
especialista universitariu en Filoloxía Asturiana pola Universidá d’Uviéu.
Traductor y corrector d’una montonera obres n’asturianu, dende l’añu 2002 ye’l
responsable del Serviciu de Normalización Llingüística del Conceyu de Llangréu.
Ente les traducciones feches por él han destacase la de la novela Arguyu y
prexuiciu de Jane Austen (Universos, 2011), El placer de la carne de Carlos
Fernández (Hércules 2008) o Kim de Rudyard Kipling (Trabe 2022).
Alma Hidalgo Lucena
(Xixón, 2004) es comunicadora, responsable de la Vocalía de
Mocedá y Voluntariáu en la asociación Iniciativa Pol Asturianu, y una de las
escritoras más jóvenes de la literatura asturiana. Actualmente trabaja en el
Conseyu de la Mocedá de Xixón, acercando el asturiano a les generaciones
vinientes.
Armando Gutiérrez Rodríguez
De familia minera (cuarta xeneración), (Ciñera
de Gordón, Llión, 1965) decide ganase la vida al igual que los sos antecesores.
Con 17 años abandona la Universidá Llaboral de Xixón pa ingresar na Hullera
Vasco-Leonesa, empresa onde se prexubila 26 años dempués cola categoría
d'Artilleru. Amante del monte, llector ganosu dende neñu y persona inquieta
decide estudiar portugués -tituló na EOI de Llión. Nivel Avanzáu- y ser
collaborador d'actividaes culturales y narración oral tradicional lleonesa
(Filandones y Calechos). Anguaño vive n'Asturies, onde cursó estudios
d'Asturianu y asistió a clases d'escritura, tanto n'asturianu como en castellán,
afición que cuida davezu y que-y reportó numberoses reconocencies.
Penélope Miranda Fernández
(Uviéu). Llicenciada en Filoloxía Hispánica y
especialista en Filoloxía Asturiana. Dedicada a la normalización llingüística
dende l'añu 2023 en Ḷḷena, d'onde ye responsable del Serviciu de
Normalización Llingüística; la formación de persones adultes n'asturianu tamién
ye un sector nel que desenvuelve'l llabor profesional.
Beatriz Quintana Coro
Nacida en Llangréu en 1995, ye Graduada en Llingües Modernes pola
Universidá d’Uviéu y profesora de secundaria. Tien tamién estudios de
conservatoriu, disciplina que combina cola escritura. Tien colaboraciones na
revista Lliteratura de la ALLA y tamién ganó la VII Edición de Microrrelatos
Improvisaos Entaína Escribir. En 2023 algama’l III Premiu Enriqueta González
Rubín cola so obra La tráxica historia de cómo Abraham mató la música y
espubliza Fábrica XXI n'avientu d'esi mesmu añu.
