Concurso de narración breve (2023)

Ye un placer enorme pa mi, como conceyala de Cultura, Turismu, Educación, Política Llingüística y Memoria Histórica del Ayuntamientu de Llangréu poder participar nesta edición primera del Concursu de Narración Curtia Mánfer de la Llera. Ye una gran placer que La Sociedá La Montera reivindique col nome del concursu la figura de Mánfer de la Llera, llangreanu de Les Cuestes y una persona implicada daveres cola so tierra, la so cultura y la so reallidá social. Ye un gran placer porque me permite comprobar cómo una sociedá histórica y de prestixu como La Montera fai un apueste claru y decidíu pola cultura en tola so estensión. Y tamién ye un placer pa mi comprobar qu’asociaciones llangreanes como La Montera s’impliquen y collaboren na normalización social del usu de la llingua asturiana con actividaes como esti concursu y tamién colos diferentes programes culturales que ponen en marcha a lo llargo l’añu. Namás que davos la norabona pola puesta en marcha d’esti concursu, comprometer la colaboración del Ayuntamientu de Llangréu pa les asociaciones llangreanes en materia cultural y desear un futuru llargu pa esti Concursu de Narración Curtia Mánfer de la Llera. Bones fiestes de Santiago